1 Mtuwa Mlungu, ndo mkulu, kafiruwa kuzyumwa nentu

kumji gwa Mlungu gwetu, mulugongu lwakuyi lunanagala.

2 Sayuni ndo lugongu lutali na guherepa,

shanjiru sha nemeleru pasipanu poseri.

Lugongu Sayuni gulifana na migongu ya Zafoni,

ndo mji mkulu gwa mfalumi mkulu nentu.

3 Mlungu ndo liboma lyakuyi,

yomberi kalilanguziya kuwera mlolera gwakuyi.

4 Wafalumi wajojonikiti,

wagenda pamuhera kukomanga.

5 Kumbiti pawaguwoniti, walikangasha,

wawera na lyoga, watuga mbiru.

6 Lyoga likulu liwakola,

wapikinira kutama handa mawu yakalera,

7 guwahalibisiyi handa virii meli za Tarishishi,

zazimegangwa na lyega lya kwagulawa mshenji.

8 Ntambu yatupikiniriti, ndo ntambu yatuwoniti,

mumji gwa Mtuwa Mlungu yakana makakala,

Mlungu hakagugangamiziyi mashaka goseri.

9 Mulihekalu lyaku

Gwee Mlungu, tuwuholera ufiru waku.

10 Gwee Mtuwa Litawu lyaku ntambu ya lizyumika kila pahala,

zyuma zaku zipalasiwa poseri pasipanu.

Kwa mawoku gaku gutenda haki,

11 lugongu Sayuni lunemelera!

Isi ya Yuda ifyapilira,

toziya ya haki yaku!

12 Mtyangi aku Sayuni mkaguzyengeti,

mkaviwalangi vindwalingu vyakuyi.

13 Mviloli vibambaza vyakuyi,

na kulolalola maboma gakuyi,

mpati kuvitambira viyiwuku vyaviza handa,

14 ayu ndo Mlungu, Mlungu gwetu mashaka goseri,

hakaweri mlonguziya gwetu mashaka goseri