1 Gwee Mtuwa Mlungu, gumholi Daudi,

guholi ntabiku zoseri zyakapatiti.

2 Kamlapiliti Mtuwa Mlungu,

katuliti naziri kwa Yakana Makakala gwa Yakobu.

3 Hapeni ningiri mu numba ya neni,

pota kugenda mushitanda shangu,

4 hapeni njimiri kusizira pota kugonja,

5 Mpaka nikupanani gwenga Mtuwa Mlungu pahala pa kulikala,

makawu gaku, gwee Yakana Makakala gwa Yakobu.

6 Tupikaniriti visoweri vya lisandiku lya lipatanu aku Efrati,

tulipatiti mumalambu ga Yearimu.

7 Tulongiti, "Tugendi ukaya kwa Mlungu,

tuguwiri palongolu pa shiti shakuyi sha ukulu!"

8 Gwee Mtuwa Mlungu, gugoloki pahala paku pa koyera,

gugoloki pamuhera na lisandiku lya likakala lyaku

lyeni ndo shimaniziwu sha makakala gaku,

na goyeli panu mashaka goseri!

9 Watambika waku waweri wajimilika kulongolu kwa Mtuwa Mlungu mashaka goseri,

na waminika waku watagi lusheka lwa nemeru!

10 Toziya ya Daudi ntumintumi gwaku,

nagumlema mswagwa lipaki gwaku.

11 Mtuwa Mlungu kamrapira Daudi shirapu sha nakaka,

"Shakalongiti hapeni kashigalambuli,

hanimsyaguli yumu gwa wiwuka waku,

kaweri mfalumi pa gwenga.

12 Wana waku pawakola lipatanu lyangu,

na kufata lagiru zya niwapananiti,

wana wawu wapalu viraa hawaweli wafalumi handa gwenga."

13 Mtuwa Mlungu kagusyagula mji gwa Sayuni,

kafira guweri numba yakuyi yakulikala.

14 Kalongiti, "Panu ndo hapaweri pahala pangu pa koyera mashaka goseri,

ndo pakaya pangu toziya nipasyagula.

15 Hanigutekeleri mji gwa Sayuni kwa kugupanana vintu vyakuyi,

haniwapanani shiboga shivuwa wahushu wakuyi.

16 Ulopola hawuweri handa mavalu kwa watambika,

wananagala hawimbi kwa nemeleru.

17 Panu hanimgangamaziyi mfalumi kulawa lukolu lwa Daudi.

Na yomberi hakaweri handa shikoloboyi kwa Dawudi yanimsyaguliti,

18 Wankondu wakuyi haniwasoniziyi,

kumbiti yomberi hanimvaliziyi ligoya lya shifalumi."