1 Gwee Mlungu mayagashii,

tulonga mayagashii!

Toziya litawu lyaku lyapakwegera

wantu watamba matendu gaku ga kulikangasha.

2 Mlungu kalonga. "Neni ndo yantula shaka sha gweka!

Shaka ashi hantozi pota kupendeleya.

3 Shaka isi payilendemera na vyoseri vyaviwera amu,

neni ndo yantula miyanjiru yakuyi.

4 Niwagambira wana mtiti, mleki kulizyuma,

na wakontola namulitumba,

5 namliwona kuwera wantu wa mana nentu,

pota kutakula visoweru vya kulitumba"

6 Kwahera yoseri yakalawa kwagulawa mshenji,

ama kwaguzyeta mshenji, pota kulawa kushiwala yakaweza kumkwisa muntu.

7 Toziya Mlungu mweni ndo mtoza,

kamsulusiya yumu na kumkweniziya yumonga.

8 Mtuwa Mlungu kakola shikombi mumawoku,

shashimemiti divayi yayikalipa,

kayimintira na wakontola woseri wankuilanda,

yina wankuilanda mpaka lindonta lya upeleru.

9 Kumbiti neni hanemeleri mashaka goseri,

hanimwimbili zyuma Mlungu gwa Yakobu.

10 Mlungu kalonga, "Hamegi likakala lyoseri lya wantu wakontola,

kumbiti makakala ga wantu yawana haki hagagangamaziwi."