1 Mbaka woseri yawamguwira Mtuwa Mlungu,

yawalikala kwakufata njira zakuyi.

2 Haguliyi kulawilana na lihengu lyaku,

hagunemeleri na kuwera na mbatiru.

3 Mdala gwaku hakaleri nentu ukaya kwaku handa mzyabibu yagulera mabwajubwaju gavuwa,

wana waku hawaweri handa ntomolu za mizeyituni hawazyengeti meza yaku.

4 Ndo ntambu yanakatekelerwi,

muntu yakamguwira Mtuwa Mlungu.

5 Mtuwa Mlungu kakutekeleri kulawa Sayuni!

Ili guwoni mbatiru ya Yerusalemu,

mashaka goseri ga makaliru gaku.

6 Hagulikali mpaka guwawoni wazukulu waku!

Ponga iweri kwa Israeli!