1 Gwee Mtuwa Mlungu mpaka ndii hagundyaluwi? Hashi, hagundyaluwi mashaka goseri?

Mpakandii hagunfifiri sheni shaku?

2 Hankosi ponga mpakandii,

hashi hahinginiki mumoyu kila lishaka?

Mpakandii wankondu waneni hawankanki?

3 Gwee Mtuwa Mlungu, Mlungu gwangu gundoli na kunankula,

Gugapanani masu gangu kulangala, su nag'onja mpota za kuhowa.

4 "Naguwaleka wankondu wangu walongi.

Tumkanka ayu! Walii yawantabisiya neni nawiza kunemelera kuguwa kwangu."

5 Kumbiti neni nizitumbira tanga zaku,

moyu gwanku na gunemeleri ulopola waku.

6 Gwee Mtuwa Mlungu hanikwimbiri gwenga,

kwa ukalamuka uvuwa waguntendiriti.