1 Wantu wa Israeli pawalawiti Misri,

wiwuka wa Yakobu pawalawiti muuhenga,

2 mji gwa Yuda guweriti pahala pananagala,

Israeli iwera ukolamlima wakuyi.

3 Bahari iwoniti aga itugiti,

lushemba Yoridani luwuyiti kumberi.

4 Migongu ikopokakopoka handa kondolu shipalu,

vigongu vikopoka handa wana wa kondolu!

5 Gwee bahari, iwerahashi gutuga?

Nagwenga Yoridani, guwuya hashi kumberi?

6 Mwenga migongu, iwerahashi mkopoka handa kondolu shipalu?

Na mwenga vigongu, iwerahashi mkopoka handa wana wa kondolu?

7 Gulendemeri, gwee pasipanu kulongolu kwakuyi Mtuwa Mlungu,

gulendemeri kulongolu kwa Mlungu gwa Yakobu,

8 ulii yakagalambula litalabuhi kuwera litanda lya mashi,

na libuhi likamala kuwera bwiru za mashi.