Zabuli 129

Maluwa toziya ya wankondu wa Israeli

1 Ntabisiwa nentu kwanjira untemba wangu,

kila muntu mu Israeli nakalongi,

2 Wantabisiya nentu kwanjira untemba wangu,

kumbiti wawezandiri kunkanka.

3 Walima mmugongu gwangu,

handa muntu yakalima lirambu.

4 Kumbiti Mtuwa Mlungu ndo yakana haki,

kazidumula ngoyi za wantu wakontola.

5 Woseri walii yawagukalalira mji gwa Sayuni.

Wasoniziwi na kuwuziwa kumbeli

6 Waweri handa ntundu pampindi pa shitwiku sha numba,

zyeni zinyala pamberi hazenikuli,

7 zimemandiri ata muliwoku lya mbenanga,

pota zitoshandiri kwa yakatawa visonku.

8 Kwahera yakapita pakwegera yakafira kuwagambira,

Mtuwa Mlungu Kawatekeleri!

Tuwatekeleri kwa litawu lya Mtuwa Mlungu.