1 Mmupanani Mtuwa Mlungumanemu mwenga viwumbi vya kumpindi,

mlongi Mlungu ndo muweru na kana likakala.

2 Mlongi litawu lya Mtuwa Mlungu ndo liweru.

Mmuguwiri pahala pakuyi pananagala.

3 Liziwu lya Mtuwa Mlungu lipikinirika pampindi pa mashi,

Mlungu muweru kaguguma,

liziwu lya Mlungu lipikinirika pampindi pa mashi gavuwa.

4 Liziwu lya Mtuwa Mlungu lyana likakala,

liziwu lya Mlungu limema uweru.

5 Liziwu lya Mtuwa Mlungu lipantaga miyelezi,

Mlungu kapanta mielezi ya Lebanoni.

6 Kaigulusiyaga migongu ya Lebanoni handa njita,

migongu ya Herimoni handa mwana gwa nyati.

7 Liziwu lya Mtuwa Mlungu lilaviya meta za motu.

8 Liziwu lya Mtuwa Mlungu litetemiziya shiwala;

Mtuwa katetemesiya shiwala sha Kadeshi.

9 Liziwu lya Mtuwa Mlungu litikisiya mivuli,

lipukutuziya mihambi ya mitera kulidowi

na woseri yawawera Kulihekalu walongi, ukwisa kwa Mlungu!

10 Mtuwa Mlungu kakolamlima pampindi pa mashi,

Mlungu ndo mfalumi yakakolamlima mashaka goseri.

11 Mtuwa Mlungu kawapanani likakala wantu wakuyi!

Mlungu na kawatekeleri wantu wakuyi kwa ponga!