1 Gwee Mlungu, shondi gumoneri lusungu,

mana kwagwenga ntugira uponera.

Kushivinyiru sha mbapatiru zaku hantugiri uponera,

ata lipuga lya maagamiziya palipitaku.

2 Nimlilira Mlungu Mkulu,

Mlungu kantangi kutenda galii gakagafira.

3 Hakanjegeri utanga kulawa kumpindi na kundopola,

hakawasoniziyi awa yawankomanga.

Mlungu hakananguziyi ufiru wakuyi na uaminika wakuyi!

4 Neni napakati pa wankondu,

wananfiru ya mwazi handa simba.

Menu gawu handa migowa na misali,

milimi yawu ndo handa magumba gakalipa.

5 Gwee Mlungu gukwiswi, panani pampindi,

uweru waku weneyi pasipanu poseri.

6 Wankondu wanyambira wavu wang'omiziyi,

naneni ntabika kwa kwinginika.

Wampawira lilindi munjira yangu,

kumbiti weni wapatukira amu.

7 Gwee Mlungu, ngangamala mumoyu, moyu gwangu gugangamala

hanimbi na kukufyapilira!

8 Gwimuki, gwee moyu gwangu!

Mwimuki, mwee shinubi na lilimba!

Hanimusiyi mandawira putiputi!

9 Gwee Mtuwa Mlungu, hanongi mayagashii pakati pa maisi,

hanikwimbili zyuma pakati pa wantu.

10 Ufiru waku upalasiwa ata panani pampindi,

waminika waku usoka mpaka kumawundi.

11 Gwee Mlungu, gukwiswi kumpindi aku,

nauweru wako uweri pasipanu poseri.