1 Nimlilira Mtuwa Mlungu kwa kubota,

nimluwa Mtuwa Mlungu kamoneri lusungu.

2 Nimjegera lalamiku lyangu,

nimgambira tabika yangu.

3 Patwezukiti moyu,

gwenga guvimana mgenderanu gwangu.

Munjira yampita wankondu wanyambira mgomiziwu.

4 Pandola uwega wakumliwu na kuhepelera,

mona kwahera muntu gwa kuntanga,

nahera kayi pahala pa kutugira,

kwahera muntu yakanshera.

5 Gwee Mtuwa Mlungu nikulilira gwenga!

Naneni nonga, gwenga ndo tugira ya neni uhala waneni muisi ya wakomu.

6 Gupikinili kulira kwa neni,

toziya nahera likakala,

gundopoli na watabisiya waneni,

toziya wanzidi likakala.

7 Gundaviyi mukutatirwa,

su nongi mayagashii.

Wantu waminika hawazyengeti toziya guntendera maheri.