Salmos 82

Tsuɓari adama o uge’etosu u vama

Ica ya Asaf.

1 A̱sula̱ a tara ta̱ tsugbain tsa̱ yi,

uba̱ta̱ e iɓolo i musula̱ ɗe zuva,

reve u yuwan uge’etosu a̱tsuma̱ a̱ musula̱’a̱.*82:1 Urevu wu uba̱ta̱ u nda wu uta̱ ta̱ koko’o, ozo o ro a tara ta̱ a ta yuwusan adanshi a nlingata ma̱ A̱sula̱, ozo o ro gba a tara ta̱ u ta yuwusan adanshi a̱ musula̱ mu nɗa n ro.

2 U damma,<<Hali mantsa ma̱ ne ma ɗa yaa yuwan uge’etosu u vama,

e isawusaan a̱za̱ e iwuya? Wivuwun

3 Yi isawaan aza a na a̱ ri nu ucira shi, oɓolo na̱ mkpa’an,

yi isawaan alambi na aza a na o ɓongishi.

4 I kamba alambi na aza a na a cigai ikambishi,

i wawa le e ekere a̱za̱ e iwuya.>>

5 E reve ili shi, a̱ ri nu urevu shi.

A ta a mmalu a̱tsuma̱ e irumbu.

A̱ jinga̱ɗa̱ ta̱ ikyun i mayan ma amayun o uvaɗi suru.

6 N damma ta̱, <<A̱ɗu musula̱ n ɗa,

a̱ɗu muwun m Mogono ma̱ A̱sula̱ n ɗa suru.✝82:6 Yah 10:34.

7 Amma i ta̱ kuwa̱ tsa vaɗilima̱,

i ta rawa ukosu tsa akapi o ngono.>>

8 'Yon A̱sula̱, vu ge’eto wu uvaɗi,

adama a na nɗa suru ili ya agadu a̱ wu a ɗa.