Zabuli 27

Nt’hogola kwa Zumbe Mnungu

1 Zumbe Mnungu niye ung’azi wangu naho niye akuniyokola,

nogohe ani?

Zumbe Mnungu anamila kwa yose yaihile,

hina cha kogoha.

2 Umwo waihi wakanikump’hukila,

wakaunga wakikome,

awo wak’hondo wangu naho wakomi,

nawakobadike niyo wagwa.

3 Hata uneva fyo dyose dikanitemangiza,

miye henogohe,

hata heziilwa ni nk’hondo,

miye neninde na mhuwi du.