Zabuli 3

Malombezo ya mtondo

1 Zumbe Mnungu, nna wank’hondo wabindile wingi,

wakunihituka wabinda wingi!

2 Wabinda wingi wakugamba,

"Mnungu haamwambize."

3 Mna mazua yose, weye Zumbe ywi nk’hindilo yangu kosekose,

nakunitenda nioneke,

na kunink’ha nt’hunyo.

4 Namwitanga Zumbe Mnungu,

niyo anitika kulawa uko kwo mnima ukukile.

5 Nehitambaala hasi niyo nagona,

nehinuka naho, kwaviya Zumbe Mnungu nakanamila.

6 Miye hikogoha maalufu ya wank’hondo,

awo wanizunguluke kosekose.