1 Nitsowimbila uluso wako mkulu na nitsoimbila ihaki yako,

Ghwe IMNDEWA nitsokwimbila.

2 Nitsakwalangitsa nikale aku nahela matotso.

Lelo utsakutsa tsuwachi kuna nene?

Nene nitsoghenda kuna ing'anda yangu aku nina moyo ghunogha.

3 Hambele ha tsinenge tsangu sitsakwika chinu chihile nichilolese baye.

Ghamatendo gha iwanu wehile noghehila,

nene sitsoghawinza baye.

4 Ghumoyo ghuhile ng'aghutsokala nani baye,

na nene sitsobama ukutenda chinu chihile baye.

5 Ayula iyomdeta miyaghe hachisogho,

ayo nitsomhinya,

na iyana tsinenge tsa chidandali na ghumoyo ighwighoda sitsomdudumila baye.

6 Ila tsinenge tsangu tsitsowalolesa iwanu iwotogholeka muisi,

awo wakale na nene,

ayula iyoghenda mna inzila ing'aina matotso ayo yuyo iyatsonitumikila.

7 Imunu mghutsu ng'atsokala mng'anda mwangu baye,

na imunu iyobugha ng'atsakwima hambele hangu baye.

8 Chila haukucha nitsowahinya iwanu wose wa isi iwehile,

niwatende wahupe kulawa kuna ghumji ghwa IMNDEWA,

awala wose ghendo iwotenda ighehile.