1 Isi na pfose pfili mumo pfakwake yeye IMNDEWA,

na awala wose iwali muisi wose wakwake.

2 Mana yeye keka imisingi ya isi mchanya mwa ibahari,

na kaihimika ime ghoya mchanya mwa imito ya ghamatsi.

3 Nani iyatsogheluka yaghende kuna ichidunda cha IMNDEWA?

Na nani iyatsakwima hanu hake helile?

4 Ng'ambe ayula yana ghamoko ghelile na yana ghumoyo ghunoghile,

ayula iyeghomile imwenyegho ukutambikila ipfinyagho,

na ayula ghendo ing'ayoghutsuka baye hayelaha.

5 Ayo katsobokela tsibalaka kulawa kwa IMNDEWA,

na haki kulawa kwa Imulungu imkombotsi wake.

6 Acho chicho icheleko cha awala iwombama yeye,

awala iwoubama uhanga wako, ghwe Imulungu wa Yakobu.

7 Mwinule ghamatwi ghenu mwemwe ghamalango,

na mwemwe imilango ya ghumwande ghendo mwinuke,

mfalume wa utunitso yengile.

8 Angu imfalume ayo wa utunitso nani?

Ng'ambe ayo IMNDEWA, yana tsingupfu na uwetso,

yana uwetso mna ukwitowa kung'ondo.

9 Mwinule ghamatwi ghenu mwemwe ghamalango,

na mwemwe imilango ya ghumwande ghendo mwinuke,

mfalume wa utunitso yengile.

10 Angu imfalume ayo wa utunitso nani?

Ng'ambe ayo IMNDEWA, imkulu wa maasikali,

yeye yuyo mfalume wa utunitso.