1 Iwanu wabotsi wolonga mmoyo mwawo, "Kuduhu Imulungu!"

Wose wagha ghendo,

wotenda pfinu pfa ukudesa ghendo,

kuduhu hata yumwe iyotenda ighanoghile.

2 Kulawa kulanga IMNDEWA kowalola iwanu,

yalole ka kuna munu wowose yana tsimbutsi,

ayula iyombama Imulungu.

3 Lekeni mwe! Wose ghendo wagha, wose wola ghendo,

kuduhu iyotenda ighanoghile,

baye, haduhu hata yumwe ghendo!

4 Angu pfihi, iwanu awala wose iwotenda ighehile ng'awomanya baye?

Awala iwowadafuna iwanu wangu kulonga wodafuna pfighate,

wala ng'awomlomba IMNDEWA baye.

5 Baho watsakwingilighwa na wogha,

kwaapfila Imulungu kahamwe na icheleko cha iwanu wana ihaki.

6 Mwodaha kupfulaghitsa achila chayobama kutenda imunu mhingwa,

lekeni yeye komtsumila IMNDEWA.

7 Ukombotsi wa Isiraeli ung'atsile kulawa Sayuni,

yaghale?

Aho IMNDEWA hayowoyitsa iwanu wake iwohighwe?

Yakobu katsosekelela,

Isiraeli katsodeng'a.