1 IMNDEWA kamlongela mkulu wangu mfalume,

"Kala ubali wangu wa kujilo,

mbaka niwatende awala iwokwihila wawe chinu cha ukwikila ghamaghulu ghako."

2 IMNDEWA katsoigholosa ing'weku yako ya tsingupfu kulawa Sayuni,

naghwe kutsowatawala maaduwi tsako.

3 Iwanu wako watsokutsila kwa ukubama iwenyegho hawitsetowa na maaduwi tsako,

aku wela na wanogha.

tsingupfu tsa usongolo wako tsitsakongetseka ka litungwe lya lupfilipfili.

4 IMNDEWA kelaha, naye ng'odaha kughalambuka baye,

kalonga, "Ghweghwe kwamtambika kwa ghamatsuwa ghose ing'aghohupa kama apfila pfayakalile Melikisedeki."

5 IMNDEWA kakumoko ghwako ghwa kujilo,

kowakoma wafalume mna litsuwa lyake lya ukughudubuka.

6 Yeye kolamla iwanu iwokala mna tsiisi,

kotsimemetsa tsing'uli tsa iwanu,

kowahondahonda ipfilongotsi wa iwanu iwali mna isi yose.

7 Katsakunwa ghamatsi gha ichikolongo ichili mnzila,

apfo katsakwinula litwi lyake kwa ukuhuma.