1 IMNDEWA kotawala, iwanu wali mna tsiisi woghudema,

kakala mchanya mwa pfilumbe iwakemighwe ghamakelubi, na isi yose yohighisika.

2 IMNDEWA kamkulu ako Sayuni,

naye kenulighwa mchanya mwa iwanu iwali mna tsiisi tsose.

3 Leka wose walimbile litaghwa lyake kulu na lya ukupfukighwa,

kwaaapfila yeye yuyo iyelile.

4 Imfalume kana tsingupfu,

naye konoghelwa ukutenda ihaki,

ghweghwe kulangusa ihaki mna Isiraeli,

ghweghwe ghendo yughalile ghamalamtsi na ihaki mna isi ya Yakobu.

5 Mtunyeni IMNDEWA, Imulungu wetu,

na mmwinamile hana ichighoda cha ukwikila ghamaghulu ghake,

yeye yuyo iyelile.

6 Musa na Haruni wakala watambika wake,

na Samweli kakala yumwe wa awala iwalikemile litaghwa lyake.

Wamkema IMNDEWA, naye kawedika.

7 Kalonga nawo mna ingutso ya libingu,

waghakinda ghamalaghitso ghake na imiko yaweng'ile.

8 Ghwe MNDEWA, Imulungu wetu, ghweghwe kuwedika,

kuna wawo ghweghwe tsa Imulungu yuwaleghusile tsinzambi tsawo,

hata kama kuwatowa kwa ghamatotso ghawo ghawatendile.

9 Mtunyeni IMNDEWA, Imulungu wetu,

na mmwinamile kuna ichidunda chake ichelile,

kwaapfila IMNDEWA Imulungu wetu, yeye kela.