1 Hebali iwanu wali mna tsiisi wotenda ughobo,

na iwanu wakwika mitsengwe ya bule?

2 Wafalume wali mna tsiisi wehandaha,

iwatawala wetingana hamwe wamleme IMNDEWA na Imbakighwa Mapfuta wake.

3 Wolonga, "Tubatsule tsipingu tsawo, na imitsabi yawo tuyase kutali na twetwe."

4 Ayula iyokala kulanga koseka,

IMNDEWA kowabetsa ghendo.

5 Kuya kawakembela kwaapfila tsakaghudubuka,

na imaya yake ng'ulu iwatenda wone wogha, ahala hayalongile,

6 "Nene nimwika imfalume wangu ako Sayuni, ichidunda changu ichelile."

7 Imfalume ayo kolonga, "Nitsolonga chayanongele IMNDEWA, kanongela apfino,

‘Ghweghwe kwa mwanangu, leloli aino nene nikweleka.

8 Unilombe, na nene nitsokwing'a tsiisi tsa wanu tsiwe tsako,

na isi yose itsakuwa yako.

9 Kutsowahonda honda kwa ing'weku ya chuma,

na kutsowatula tula ka apfila inongo pfaitulighwa.’ "

10 Apfo lelo, mwemwe iwafalume, mkengele,

mwalangitse ng'ani, mwemwe iwatawala wa isi.

11 Mtumikileni IMNDEWA kwa ukupfuka,

na mumdeng'elele kwa kughudema.

12 Mmwinamile Imwanaghe ayo Mmale hela katsoghudubuka,

hela namwe mtsakwagha mnzila,

Kwa apfila yeye ng'okawa baye ukona maya.

Wabweda awala wose iwomtsumila.