1 Ka IMNDEWA ng'oitsenga ing'anda baye,

iwoitsenga wosang'ana ng'onde ya hela,

ka IMNDEWA ng'oghukalitsa ghumji baye,

iwoghukalitsa wowasa meso hela.

2 Mwotenda ng'onde ya hela mwemwe imwidawa lupfilipfili,

na imkawa kughenda kuwasa,

imghanzika mpate cha ukuja,

kwaapfila IMNDEWA koweng'a ghawobama awala iyowakunda hata ka wowasa.

3 Iwana wamale nzawadi ilawa kwa IMNDEWA,

wawo wa ghweko ililawa kwa IMNDEWA.

4 Ka imishale mna ghamoko gha imunu yana ingupfu,

pfipfo pfawali iwana wamale wa imunu iyoweleka aku kamsongolo.

5 Kabweda imunu ayula iyali na mishale ili mingi apfo,

ng'atsohumbuka baye hana lilango, hayatsetingana na aduwi tsake.