1 Mwimbileni IMNDEWA wila wa sambi,

kwa apfila katenda pfinu pfa ukukangawatsa,

kwa ghumoko ghwake ghuna ingupfu, na ghumoko ghwake ighwelile,

ghumtenda yahume.

2 IMNDEWA kautenda ukombotsi wake umanyike,

kaitenda ihaki yake yoneke hambele ha iwanu wa tsiisi.

3 Kaukumbuka uluso wa lilaghano lyake na ukutogholeka kwake kwa ing'anda ya Isiraeli,

chila imembe ya isi yona ukombotsi wa Imulungu wetu.

4 Isi yose imdeng'elele IMNDEWA,

imwimbileni kwa ukudeng'elela na kwa ukutowa lukenze.

5 Mwimbileni IMNDEWA kwa chinubi, na ilukenze,

6 kwa ghamatalumbeta na tsimalati,

mwimbe kwa litsi kulu hambele ha mfalume, IMNDEWA!

7 Leka ibahali idume, na ipfinu pfose ipfili mghati mwake,

isi na pfose ipfili mumo,

8 imito itowe ghamakofi, na ipfidunda pfimbe kwa ukudeng'elela,

9 hambele ha IMNDEWA, kwaapfila kakutsa yaihighe isi,

katsoihigha isi kwa ihaki, na katsowahigha iwanu kwa ukugholosa ghendo.