Salmos 67

Wila wa mighede

1 Imulungu na yatutendele uluso, na yatubaliki,

yatumwemwesele ghumwanga ghwa uhanga wake,

2 ili inzila yake imanyike mna isi yose,

na ukombotsi wake umanyike kuna tsiisi tsose tsa iwanu.

3 Ghwe Imulungu, iwanu na wakutunye ghweghwe,

iwanu wose ghendo wakutunye ghweghwe.

4 Iwanu wose wali mna tsiisi wasekelele na wembe kwa ukudeng’elela,

kwaapfila ghweghwe kowalamla iwanu kwa haki,

naghwe kowalongotsa iwanu wose iwali mna chila isi.

5 Ghwe Imulungu, iwanu na wakutunye ghweghwe,

iwanu wose ghendo wakutunye ghweghwe.

6 Isi yolapfa ghamatsao ghake,

naye Imulungu, Imulungu wetu, katsotubaliki twetwe.

7 Imulungu katsotubaliki twetwe.

wanu wose watsompfuka yeye mbaka kwaitsighila isi.