1 Tsanideng'elela hawanilongele,

"Tuke ukaye kwa IMNDEWA."

2 Gwe Yerusalemu,

ghamaghulu ghetu ghema hana ghamalango ghako,

3 Yerusalemu ghumji ghutsengighwe ghoya,

ka ghumji ghwikindile hamwe ghendo,

4 ghamakabila ghogheluka ghoghenda ako,

ghamakabila gha IMNDEWA, ighali ukalangama kwa Isiraeli,

woghenda kulonga mighede kwa litaghwa lya IMNDEWA.

5 Kwaapfila ako pfikighwa ipfighoda pfa ufalume pfa ukuhighila,

ipfighoda pfa ufalume pfa ikaya ya Daudi.

6 Muilombele Yerusalemu ikale tseghamba,

"Wabweda awala wose iwokukunda.

7 Mghati mwa imibanda yako mkale tseghamba,

kuwe na ugima mghati mwa tsingome tsako."

8 Kwaajili ya ndughu tsangu na sale tsangu nitsolonga apfino,

"Ukale tseghamba."

9 Na kwaajili ya ing'anda ya IMNDEWA, Imulungu wetu,

nene nitsokulombela ighanoghile.