1 Nakwinula tsinenge tsangu ndole kupfidunda,

ukwapfilighwa kwangu kulawa kwani?

2 Ukwapfilighwa kwangu kolawa kwa IMNDEWA,

Iyaumbile kulanga na isi,

3 Yeye ng'atsoghuleka baye ghumghulu ghwako ghuteletse,

yeye iyokukinga ng'atsodongila baye.

4 Ona ghendo, yeye iyokalitsa Isiraeli

ng'atsodongila baye, wala ng'atsowasa baye.

5 IMNDEWA yuyo iyokukalitsa,

yeye kachimbeho ichili ubali wako wa kujilo.

6 Litsuwa ng'alitsokulakatsa baye nemisi,

wala ghumwetsi kuchilo.

7 IMNDEWA katsokukinga na ghehile ghose,

katsoukinga ugima wako.

8 IMNDEWA katsokukinga haukwingila na haulawa,

kulawa sambi na matsuwa ghose ing'aghohupa.