Salmos 54

Ukulomba ukingighwe na maaduwi

1 Ghwe Imulungu, kwa litaghwa lyako unikombole,

na kwa tsingupfu tsako unilamlile.

2 Ghwe Imulungu uhulike chanilomba,

uhulikitse ghamalonga gha ghumlomo ghwangu.

3 Kwaapfila iwagheni wanyinukila,

wanu iwalihela libatsi wonibama wanikome,

awala ing’awomwika baye Imulungu yawe hambele hawo.

4 Lola! Imulungu yuyo iyonyapfila nene,

IMNDEWA yuyo iyokindilitsa ugima wangu.

5 Leka Imulungu yawoyitsile aduwi tsangu ighehile ghawabamile kunendela,

naghwe uwahinye ghendo,

kwaapfila ghweghwe kotogholeka.

6 Nitsokulapfila nambiko kwa ukubama nimwenyegho,

Ghwe MNDEWA nitsolonga mighede kuna ghweghwe,

mana ukutenda apfo pfinogha.

7 Kwaapfila kunikombola kulawa kuna ghamaghayo ghangu ghose,

na nene mbona kwa nenge tsangu apfila pfauwahumile aduwi tsangu.