1 Mumtunye IMNDEWA!

Mmwimbile IMNDEWA wila wa sambi,

mumtunye mna ghumtingano ghwa iwanu iwotogholeka.

2 Ghwe Isiraeli umdeng'elele ayula iyakuumbile,

namwe iwanu wa Sayuni mumdeng'elele mfalume wenu.

3 Mlitunye litaghwa lyake kwa ipfigoma

na mmwimbile kwa tsingoma na pfinubi.

4 Kwaapfila IMNDEWA ko noghelwa na iwanu wake,

na kowapfatsa litaji lya ukombotsi awala iwehulumsa.

5 Leka iwanu iwotogholeka waudeng'elele utunitso,

hata wang'awa mlusatsi wawo wadeng'elele.

6 Tsiwila tsa ukumtunya Imulungu tsikale mna imilomo yawo,

na lipanga litema kosekose mna ghamoko ghawo,

7 ili wawoyitsile iwanu wa tsiisi tsingi,

na wawatowe iwanu wa ing'awammanyile Imulungu.

8 Wawohe wafalume wawo kwa minyololo,

na ipfilongotsi wawo wawohe kwa tsipingu tsa chuma,

9 ili wawahighe ka apfila pfayandikighwe!

Ako kuko ukutunyighwa kwa iwanu wa Imulungu iwotogholeka.

Mtunyeni IMNDEWA!