1 Ghwe MNDEWA, Mndewa wetu,

lola litaghwa lyako pfalili na utunitso mkulu mna isi yose!

Ghweghwe yuwikile utunitso wako kuchanya ng'ani kulanga.

2 Imilomo ya iwana wadowado na iwoghwaghwa ina tsingupfu tsa kukutunya ghweghwe,

nawo wowatenda awala iwokwihila na iwobama kukuyitsila ghehile wenyamale.

3 Hanilola kulanga, kuumbile kwa ipfidole pfako,

ghumwetsi na tsinondo, ipfinu pfawikile ako,

4 Imunu yali chinu chachi ghendo mbaka ghweghwe umkumbuke?

Na imwana wa imunu yali choni ghendo mbaka ghweghwe umwalangitse?

5 Kumtenda chidogho yawe ka Imulungu,

kumpfatsa litaji lya utunitso na heshima.

6 Kumwika yatawale mchanya mwa tsisang'ano tsa ghamoko ghako,

pfinu pfose kupfika hasi ha ghamaghulu ghake,

7 wang'olo wose, na wang'ombe wose,

pfipfila na wanyama wa kunyika,

8 wapfideghe wa kulanga, na wasomba iwali mna ibahari,

na chila ichiumbe ichipfosa mna tsinzila tsa ibahari.

9 Ghwe MNDEWA, Mndewa wetu,

lola litaghwa lyako pfalili na utunitso mkulu mna isi yose!