1 Ghwe MNDEWA, utsonisemwa nene mbaka tsuwachi?

Pfihi kutsonisemwa kwa matsuwa ghose?

Kutsonipfisa uhanga wako mbaka tsuwachi?

2 Nitsakwalangula mbaka tsuwachi?

Chilo na misi noghanzika mmoyo mwangu.

Aduwi yangu yanitoweghe mbaka tsuwachi?

3 Undole na unyidike, ghwe MNDEWA, Imulungu wangu.

Utsimwemwesele tsinenge tsangu,

ndeke kuwasa tsinongo tsa lifwa.

4 Hela aduwi yangu katsalonga, "Nimhuma."

Nawo iwonidununza watsodeng'elela ukughwa kwangu.

5 Lekeni nene nihuwila mna uluso wa lilaghano lyako,

ghumoyo ghwangu ghutsodeng'elela kwaapfila ghweghwe kunikombola.

6 Ghwe IMNDEWA nitsokwimbila,

kwa aghala ghaunitendele kwa uluso wako.