1 Ghwe Imulungu, uhulike ichililo changu,

uhulikitse ghanilomba.

2 Kulawa kwaitsighile isi nene nokukema,

akuno ghumoyo ghwangu ghotsilika,

unilongotse kuna libambalawe lili kuchanya ng'ani kunibita nene.

3 Kwaapfila ghweghwe yuyo yanikutsumila,

ghweghwe kwa ngome ina ingupfu inikinga na maaduwi.

4 Ndeke nikakale mna lihema lyako matsuwa ghase,

nitsumile hana ichimbeho cha ghamabawa ghako.

5 Kwaapfila ghweghwe Imulungu,

kuhulika tsinatsili tsangu tsanyikile,

kungaya aghala ghawakwing'ighwa awala iwolipfuka litaghwa lyako.

6 Mwongetsele mfalume matsuwa gha ukukala mgima

na miyaka yake iyongetseke mna ipfeleko pfose.

7 Yatawale matsuwa ghose hambele hako, ghwe Imulungu

uluso wako na ukutogholeka kwako pfimkinge.

8 Apfo lelo nitsolimbila litaghwa lyako matsuwa ghose,

na nitsoliha tsinatsili tsangu chila tsuwa.