1 Ka IMNDEWA ng'akalile ubali wetu baye, tsaing'awiletsa?

Lelo Waisiraeli mlonge.

2 Ka IMNDEWA ng'akalile ubali wetu baye tsaing'awiletsa?

Ahala maaduwi tsetu hawabamile kututowa?

3 Ng'ambe wang'atumetsile aku twawagima,

ahala imaya yawo ng'ulu hayakile mchanya mwetu.

4 Baho ghamatsi ighamemile ghang'atukululuse,

na tung'atsamile mna ilukolongo lwa ghamatsi.

5 Baho ghang'atudutile ghendo, ighamatsi ighotsuma.

6 IMNDEWA yatunighwe,

kwaapfila yeye ng'awalekile baye maaduwi watutowe.

7 Natwe tuhepa ka ichideghe mna inyonzo,

ghumtegho ghonzolighwa natwe tukomboka.

8 IMNDEWA yuyo iyotwapfila,

yuyo iyalumbile lilanga na isi.