1 Mwing'eni IMNDEWA, mwemwe pfiumbe pfa kulanga,

mwing'eni IMNDEWA utunitso na tsingupfu.

2 Longeni kuwa litaghwa lya IMNDEWA lina utunitso,

mwinamileni aku mwela ng'ani.

3 Litsi lya IMNDEWA lyohulikika mchanya mwa ghamatsi,

Imulungu wa utunitso koduma,

IMNDEWA kamchanya mwa ghamatsi mengi.

4 Litsi lya IMNDEWA lina ngupfu,

litsi lya IMNDEWA lina ukulu.

5 Litsi lya IMNDEWA lyobena imikataluba,

ona, IMNDEWA koibenabena imikataluba ya Lebanoni.

6 Na kaitenda idalukedaluke kulonga imwana wa ing'ombe,

na Lebanoni na Herimoni kulonga imwana wa mbogho.

7 Litsi lya IMNDEWA lyolapfa ghamalambi gha ghumoto.

8 Litsi lya IMNDEWA lyotenda inyika idedeme,

IMNDEWA koitenda inyika ya Kadeshi idedeme.

9 Litsi lya IMNDEWA lyohighisa imibiki,

na lyolaghatsa imitsani ya mibiki,

na mna lihekalu lyake wose wolonga, "Utunitso!"

10 IMNDEWA kakala mchanya mwa ghamatsi ghamemile,

naye IMNDEWA kakala ka mfalume wa matsuwa ghose.

11 IMNDEWA katsoweng'a ngupfu iwanu wake,

IMNDEWA katsowabaliki iwanu wake kwa kuweng'a tindiwalo.