1 Inzambi yolonga na imunu yehile mghati ghendo mwa ghumoyo ghwake,

ukumpfuka Imulungu ng'akuli hambele ha tsinenge tsake.

2 Kwaapfila hambele ha tsinenge tsake kebona imwenyegho kanogha,

yeye ng'oyona baye inzambi yake wala ng'oihila.

3 Ghamalonga gha ghumlomo ghwake gheha na ghamema ughutsu,

kahela tsimbutsi na ng'otenda baye ighanoghile.

4 Hata hayowasa mchinanda mwake yeye kobama ukutenda ighehile,

kakwima mna inzila ihile, na ng'oghaleka baye ighehile.

5 Ghwe MNDEWA, uluso wako mkulu wopfika mbaka kulanga,

na ukutogholeka kwako kwopfika mbaka kuna ghamabingu.

6 Ihaki yako yeghala na ipfidunda pfikulu,

ghamalamtsi ghako ka ghamatsi ighaghendese hasi,

ghweghwe, Ghwe MNDEWA, kowakombola iwanu na iwanyama.

7 Lola! Uluso wako pfauli mkulu,

Ghwe Imulungu, iwanu wotsumila ichimbeho cha ghamabawa ghako.

8 Weghuta ipfijo ipfinonile, ipfimemile mng'anda mwako,

naghwe kowanwesa kulawa kuna ghumto ghwa uluso wako.

9 Kwaapfila ghweghwe kwa mbwibwi ya ugima,

ghumwanga ghwako ghotwapfila twone.

10 Ughendelele kuwa mluso kwa awala iwokumanya,

Na awala wana imimoyo inoghile ughendelele kuwatendela ighali gha haki.

11 Ghumghulu ghwa iwanu wana ichidandali ghuleke kutsa kunitowa,

na ghumoko ghwa iwanu iwehile ghuleke kuniwinga.

12 Akula waghwa awala iwotenda ighehile,

waghwisighwa hasi na ng'awadahile ukwinuka baye.