1 IMNDEWA hayatuyitse Sayuni, twetwe itughoghighwe,

twetwe tsatuwa ka iwanu iwolota.

2 Milomo yetu isekelela,

na milimi yetu ing'ali itowa lukenze.

na wanu wa isi tsingi walonga,

"IMNDEWA kawatendela makulu!"

3 IMNDEWA tsakatututendela makulu ghendo,

natwe tudeng'elela sideke.

4 Ghwe IMNDEWA, utuyitsile iwanu wetu iwaghoghighwe,

ka ghamatsi gha imvula ighobita mna ipfikolongo pfa Kusini ipfinyalile.

5 Awala iwohanda kwa masotsi,

watsopfuna aku wodeng'elela.

6 Ayula iyoghenda kuhanda imbeghu aku kolila,

katsakuya aku kakwimba kwa ukudeng'elela,

aku koduta ipfijo pfayapfunile.