1 Mlonge mighede kwa IMNDEWA, kwaapfila kanogha

uluso wake wokala matsuwa ghose ing'aghohupa.

2 Mlonge mighede kwa Imulungu wa imilungu,

kwaapfila uluso wake wokala matsuwa ghose ing'aghohupa.

3 Mlonge mighede kwa IMNDEWA wa iwandewa

kwaapfila uluso wake wokala matsuwa ghose ing'aghohupa.

4 Yeye yaliyeka yuyo iyotenda ipfinu pfikulu pfa ukukangawatsa,

kwaapfila uluso wake wokala matsuwa ghose ing'aghohupa.

5 Kwa ukumanya kwake kaumba kulanga,

kwaapfila uluso wake wokala matsuwa ghose ing'aghohupa.

6 Yeye iyaitandatse isi mchanya mwa ghamatsi

kwaapfila uluso wake wokala matsuwa ghose ing'aghohupa.

7 Yeye iyaumbile litsuwa, ghumwetsi na tsinondo,

kwaapfila uluso wake wokala matsuwa ghose ing'aghohupa.

8 Litsuwa litawale nemisi,

kwaapfila uluso wake wokala matsuwa ghose ing'aghohupa.

9 Ghumwetsi na tsinondo tsitawale nechilo,

kwaapfila uluso wake wokala matsuwa ghose ing'aghohupa.

10 Yeye iyawakomile iwana chaudele wa chilume wa Misiri,

kwaapfila uluso wake wokala matsuwa ghose ing'aghohupa.

11 Kawalapfa wanu wa Isiraeli kulawa kuko,

kwaapfila uluso wake wokala matsuwa ghose ing'aghohupa.

12 Kawalapfa kwa kugholosa ghumoko ghwake ghuna ingupfu,

kwaapfila uluso wake wokala matsuwa ghose ing'aghohupa.

13 Yeye kaighola ibahali ya Shamu,

kwaapfila uluso wake wokala matsuwa ghose ing'aghohupa.

14 Kawaleka iwanu wake wabite haghati hake.

kwaapfila uluso wake wokala matsuwa ghose ing'aghohupa.

15 Lekeni kamdidimitsa Farao na Maasikali wake mna ibahali ayo,

kwaapfila uluso wake wokala matsuwa ghose ing'aghohupa.

16 Kawalongotsa iwanu wake mna inyika,

kwaapfila uluso wake wokala matsuwa ghose ing'aghohupa.

17 Kawakoma wafalume wana ingupfu,

kwaapfila uluso wake wokala matsuwa ghose ing'aghohupa.

18 Kawakoma wafalume iwomanyika sideke,

kwaapfila uluso wake wokala matsuwa ghose ing'aghohupa.

19 Kamkoma Sihoni, mfalume wa Waamoli,

kwaapfila uluso wake wokala matsuwa ghose ing'aghohupa.

20 Na Ogu, mfalume wa Bashani,

kwaapfila uluso wake wokala matsuwa ghose, ing'aghohupa

21 Katsiboka isi tsawo kaweng'a iwanu wake,

kwaapfila uluso wake wokala matsuwa ghose ing'aghohupa.

22 Tsiwe tsawo iwanu wa Isiraeli mtumighwa wake,

kwaapfila uluso wake wokala matsuwa ghose ing'aghohupa.

23 Katukumbuka hatung'ali twa nyonde nyonde,

kwaapfila uluso wake wokala matsuwa ghose ing'aghohupa.

24 Katukombola kulawa kwa maaduwi tsetu,

kwaapfila uluso wake wokala matsuwa ghose ing'aghohupa.

25 Yeye komwing'a ichijo chila chiumbe,

kwaapfila uluso wake wokala matsuwa ghose ing'aghohupa.

26 Mlonge mighede kwa Imulungu wa kulanga,

kwaapfila uluso wake wokala matsuwa ghose ing'aghohupa.