1 Kulanga kotangatsa utunitso wa Imulungu,

na lilanga lyopeta isang'ano ya ghamoko ghake,

2 imisi imwe mbaka imisi ingi,

tsakonesa ukumanya chilo chimwe mbaka chilo ichikutsa.

3 Kuduhu malonga, wala lugha,

na litsi lyao ng'alihulikika baye,

4 lekeni imbuli yawo yenela mna isi yose,

na ghamalonga ghawo ghapfika kwaitsighila isi,

kuko kulanga kalikila hema litsuwa.

5 Nalyo lyolawa kama immale iyokwela pfayolawa kuchumba kwake,

lyodeng'elela kulonga munu mmale yana ngupfu iyowinza inzila yake.

6 Lyolawa kulawa ubali umwe wa kulanga,

lyotsunguluka mbaka ubali ungi,

na kuduhu chinu chochose ichidaha ukuhepa ukusoma kwake.

7 Ghamalangulitso gha IMNDEWA ghenelela,

ghomwing'a imunu ugima,

imiko ya IMNDEWA yotogholeka,

yomwing'a hekima imunu ayula iyalihela nayo.

8 Imilongotso ya IMNDEWA inogha ghendo,

yotenda ghumoyo ghudeng'elele,

na laghitso lya IMNDEWA lyomeletseka,

lyomwemwesela tsinenge.

9 Ukumpfuka IMNDEWA chinu chelile,

na kutsokala matsuwa ghose.

Malamtsi gha IMNDEWA gholongesa,

na ghose ghahaki ghendo.

10 Agho ghabamighwe kubita inzahabu,

kubita inzahabu inoghile ng'ani,

agho ghamta kubita ukwi,

kubita ukwi uli mna lisegha.

11 Pfipfila ghonikanya nene inili mtumwa wako,

na ghonighweka makulu ning'aghakinda.

12 Lekeni nani iyodaha ukutanga ghamatotso ghake?

Apfo nileghusile tsinzambi tsangu itsipfisike.

13 Pfipfila unikinge nene imtumighwa wako ndeke kutenda nzambi kwa ukubama,

na tsinzambi atso tsileke kunitawala nene,

aho nitsakuwa nyela, na nitsakuwa nahela totso kulu.

14 Ughaleke ghamalonga gha ghumlomo ghwangu,

na ghamawatso gha ghumoyo ghwangu ghatogholighwe hambele hako,

Ghwe MNDEWA, Bambalawe lyangu, na Mkombotsi wangu.