1 Angu mwemwe muwakulu hamlonga pfihi mwolongesa?

Apfi mowalamla ghoya iwanu?

2 Baye! Mna imimoyo yenu mwobama ukutenda ighehile,

na ghamoko ghenu ghakwenetsa ughobo mna isi.

3 Iwanu wehile wakwagha kulawa hawakoneka,

nawo wolonga ughutsu tangiya hawang'ali wa munda mwa mamo tsawo.

4 Isumu yawo yeghala na isumu ya inzoka,

kama moma chitsiwi iyodiwa ghamaghutwi,

5 Yeye ng'ohulikitsa baye litsi lya iwaghanga,

hata imghanga iyadahile ng'ani ukudomba.

6 Ghwe Imulungu, ughabene ghamatsino ghawo ighali mna imilomo yawo,

ghamatsino gha iwana wa isimba ughabene, Ghwe MNDEWA.

7 Wahupe ka matsi gha ng'ululuso,

hawokwegha wase upinde wawo,

imishale yawo iwe butu.

8 Wawe ka kopfa iyolubuka akuno koghenda,

na wawe ka imwana iyafilile munda, ng'ana yone litsuwa baye.

9 Ng'ana ipfiya pfenu pfitoghote baye, pfamkwambika kwa tsingodi tsa imihonga,

pfiwe pfibisi au pfipfa, yeye katsopfighulusa kutali.

10 Wana ihaki watsodeng'elela hawatsakona iwehile wolihighwa ghawatendile,

imighulu yawo itsopfabika mna idamu ya iwanu awo iwehile.

11 Na iwanu wose watsolonga, "Ona ghendo, iwanu wana ihaki watsogwekighwa,

ona ghendo, hana Mulungu iyohigha iwanu muisi."