1 Kabweda imunu ayula iyomlola ghoya imunu mhingwa,

mna ghamatsuwa gha ukughaya IMNDEWA katsomkombola.

2 IMNDEWA katsomkinga na kumwika yakale mgima,

naye katsobweda mna isi,

wala ng'atsomleka baye yatendendighwe ka pfawobama aduwi tsake.

3 IMNDEWA katsomwapfila hayatsakuwa mtamu,

naghwe kutsomhonetsa kulawa mna utamu wake wayoghula mlusatsi.

4 Na nene nilonga, "Ghwe MNDEWA umbonele libatsi,

unihonetse kwaapfila nene nikutendela nzambi."

5 Aduwi tsangu wonilonga pfihile,

"Yatsakufa tsuwachi? Na litaghwa lyake litsohupa tsuwachi?"

6 Na imunu iyakutsa kundola kolonga ughutsu,

aku ghumoyo ghwake ghopfikitsa mbuli tsa ung'enye,

naye hayolawa kunze kotsenetsa chila hanu.

7 Awala wose iwonyihila wenong'onetsa,

wonipangila ighehile ghandawile, wolonga,

8 "Utamu wihile umkinda ghendo,

naye ng'atsakwinuka keli baye hanu hayawasile."

9 Hata isale yangu mkulu yanimtoghole, iyajile ichijo changu,

naye kanibiduka kehanganya na maaduwi tsangu.

10 Ghwe MNDEWA, umbonele libatsi,

na unyinule nikawatendele apfila pfawanitendele wawo.

11 Ung'anendela apfo nene nomanya ka ghweghwe kunoghelwa na nene,

kwaapfila maaduwi tsangu ng'awonihuma baye.

12 Naghwe kwona ukunogha kwa tsinzila tsangu kunyeghamitsa,

Na kunika hambele hako matsuwa ghose.

13 Yatunyighwe IMNDEWA, Imlungu wa Isiraeli,

tangia matsuwa ghose ighabitile mbaka matsuwa ghose ighakutsa.

Ona pfipfo! Na pfipfo ghendo!