1 Waisiraeli hawalawile Misiri,

iwanu wa Yakobo hawalawile kuna iwanu iwolonga ilugha ingi,

2 isi ya Yuda tsaiwa hanu helile ha Imulungu,

Isiraeli tsaikala isi yake.

3 Ibahali yona nayo itsuma,

ghamatsi gha ghumto Yoridani ghema ukupfosa, ghabwela kuchughu.

4 Ipfidunda pfidaluka daluka ka ng'unzu

ipfidunda pfidodo pfidaluka daluka kulonga wana wa ng'olo.

5 Ghwe ibahali, tsaiwiletsa mbaka utsume?

Ghwe ghumto Yoridani, tsaiwiletsa mbaka ghamatsi gheme ukupfosa, ghabwele kuchughu?

6 Namwe ipfidunda, heule tsamdaluke daluke ka ng'unzu?

Namwe ipfidunda pfidodo, heule tsamdaluke daluke ka wana wa ng'olo?

7 Ghwe isi, udedeme hambele ha IMNDEWA,

dedema hambele ha Imulungu wa Yakobo,

8 iyatendile libambalawe liwe tsimbu lya ghamatsi,

na libambalawe likomu liwe mbwibwi ya ghamatsi.