1 Ghwe IMNDEWA, nokukema ghweghwe unitegheletse,

usumke utse unyapfile,

2 Ghanilomba ughabokele ka upfumba,

na hanikwinulila ghamoko ghangu,

unitoghole ka nambiko ya nemihe.

3 Ghwe IMNDEWA, ughukinge ghumlomo ghwangu,

wike mkalitsi hana ghumlomo ghwangu.

4 Unikinge ndeke kutenda ghehile,

hamwe na awala iwotenda ghehile,

wala ndeke kwilunga nawo ahala hawotenda ipfihungo.

5 Ng'apfu imunu yana ihaki yanitowe, ayo kombonela libatsi,

na yang'anikembele ayo konighidila ghendo ghamapfuta mwitwi mwangu,

lekeni nene sitoghola baye iwanu wehile wanitunye,

kwaapfila matsuwa ghose nolomba kwaajili ya ighehile ghao.

6 Iwakulu wawo hawatsakwasighwa hasi,

kulawa kuna ingema ya libambalawe,

baho watsotanga ka ghamalonga ghangu,

ghang'ali gholongesa.

7 Nawo watsolonga,

"Ka imunu pfayolima,

na kumwaghalula lidongo,

pfipfo na imipate yetu pfaitsomwaghaluka,

mna lilanga lya likabuli."

8 Lekeni nene nehuwila gheghwe IMNDEWA, Imulungu wangu,

nokutsumila ghweghwe,

uleke kunileka nife.

9 Unikinge na imitegho yawaniteghele,

imitegho ya iwanu iwehile.

10 Iwanu wehile weyonza mna imitegho yao iwenyegho,

aku nene nimwenyegho nakuka tseghamba.