1 IMNDEWA yatunyighwe.

mwemwe watumighwa wa IMNDEWA,

litunyeni litaghwa lya IMNDEWA.

2 Leka litaghwa lya IMNDEWA libalikighwe,

kulawa sambi mbaka matsuwa ghose ing'aghohupa.

3 Kulawa kwalilawila litsuwa mbaka kwalikuswela,

litaghwa lya IMNDEWA litunyighwe.

4 IMNDEWA kenulighwa mchanya mwa tsiisi tsose,

utunitso wake wakuchanya ghendo kulanga.

5 Angu nani iyali ka IMNDEWA, Imulungu wetu,

iyokala kuchanya ng'ani kulanga,

6 iyenama yalole mlanga na muisi?

7 Komwinula imhingwa kulawa mna litimbwisi,

komwinusa imunu yang'ana chinu kulawa mna lipfu,

8 yamwike yakale hamwe na iwakulu,

hamwe na iwakulu wa iwanu wake.

9 Komtenda ipinga iyali mghumba yone ng'apfu mkaye,

komdeng'elesa kwa kumwing'a iwana,

IMNDEWA yatunyighwe.