1 IMNDEWA yuyo yanimtsumile nene,

hebali lelo mnongela,

"Ghuluka ka chideghe utsumile kuchidunda,

2 kwa apfila iwanu wehile wopfedula tsiminde tsao,

wakwika imishale yao mna tsiminde,

wawatowe mchisi iwanu wana imimoyo inoghile.

3 Ka imisingi ing'ahinyighwa,

imunu yana ihaki yatsodaha kutenda choni?"

4 IMNDEWA kamna ing'anda yake yelile,

yeye IMNDEWA ichighoda chake chakulanga,

Tsinenge tsake tsolola, na tsikope tsake tsowaghetsa iwanu.

5 IMNDEWA komghetsa imunu yana ihaki,

lekeni ghumoyo ghwake ghomwihila imunu iyehile na imghobo.

6 Katsowaghalila imitegho, na katsowatowela iwanu wehile imvula ya makala gha moto na ibaluti,

naye katsowatowa ghendo na libeho ililakatsa, achi chicho chayatsowaliha.

7 Kwaapfila IMNDEWA kana ihaki, koghakunda matendo gha haki,

iwanu wana imimoyo inoghile watsowona uhanga wake.