1 Hanikukema unyidike, Ghwe Imulungu wa ihaki yangu.

mbone ng'apfu kulawa kuna ukughaya kwangu,

umbonele libatsi na unihulike apfila pfanikulomba.

2 Mwemwe iwanu, mtsoghendelela kulighela chinyala taghwa lyangu mbaka tsuwachi?

Mtsokunda ughutsu na kuhaghatila ung'enye mbaka tsuwachi?

3 Mmanye ka IMNDEWA kesaghulila imwenyegho munu wake iyompfuka,

naye katsonihulika ahala hanimkema.

4 Mghudeme kwa wogha na mleke kutenda nzambi,

mtongelele hamuwasa mpfinanda mwenu, na mwinyamale ghendo.

5 Mlapfe nambiko tsa haki,

na mwihuwile IMNDEWA.

6 Wengi weghutsa, "Nani yatsotulangusa ighanoghile?"

Utumwemwesele ghumwanga ghwa uhanga wako, ghwe MNDEWA.

7 Kughutenda ghumoyo ghwangu ghudeng'elele,

kubita pfawodeng'elela wawo ahala ingano yawo na idipfai yawo haikongetseka.

8 Nitsofughama na kuwasa tseghamba,

kwa apfila ghweghwe uliyeka, MNDEWA, yuyo yunitenda nikale tseghamba.