1 Unikombole, ghwe MNDEWA,

kwaapfila kuduhu keli imunu iyompfuka Imulungu,

iwompfuka Imulungu wahupa ghendo kulawa mna iwanu.

2 Chila munu komghutsukila miyaghe,

wana imilomo ilonga utalatsi,

na welongela aku mimoyo yawo ina mitsengwe.

3 Leka IMNDEWA yaikane imilimi yose ikomba komba,

na imilimi ilonga mbuli tsa ukwighoda,

4 ya awala iwolonga, "Kwa milimi yetu tutsohuma,

imilomo yetu twinayo tuwenyegho,

haduhu munu wa kutughoma tuleke kulonga."

5 Lekeni IMNDEWA kolonga apfino,

"Kwaapfila iwanu wahingwa wakonelighwa,

na wanu nyonde nyonde woghutilila,

nene lelo nitsakwinuka,

na nitsowakombola awala iwonibama nene niwakombole."

6 Ghamalonga gha IMNDEWA ghela,

ka fetsa ihopfughighwe mna litanulu,

ihopfughighwe mala saba.

7 Ghweghwe, Ghwe IMNDEWA, utwike tuwe wagima,

utukinge matsua ghose na icheleko achino chihile.

8 Iwanu iwehile wakwanga chila hanu,

akuno ighehile ghawo ghotunyighwa mna iwanu.