1 Ghwe IMNDEWA kwa ghumoyo ghwangu ghose,

nitsokulongela mighede,

nitsokwimbila ghweghwe hambele ha milungu ingi.

2 Nitsakwinamitsa uhanga wangu mbaka hasi,

kulola ing'anda yako yelile kwaili.

nitsolitunya litaghwa lyako,

kwaapfila kulinula litaghwa lyako na ghamalaghitso ghako,

ghawe mchanya mwa chila chinu.

3 Hanikukemile ghweghwe kunyidika

kunenda niwe na ngupfu na ndeke kwona wogha.

4 Wafalume wose wali muisi watsokutunya ghweghwe IMNDEWA,

hawohulika ghamalonga gha ghumlomo ghwako.

5 Watsakwimba aghala ghautendile,

kwaapfila utunitso wako mkulu.

6 Hata ka ghweghwe kwakutali kuchanya,

lekeni komlola iyali mhole,

na komtambula yana ichidandali kulawa kuko kutali kwauli.

7 Hanitingwa ghweghwe konikinga niwe mgima,

kowagholosela ghumoko ghwako maaduwi tsangu iwonighudubukila,

nagho ghumoko ghwako ghwa kujilo ghonikombola.

8 IMNDEWA katsombuyitsila chochose chayanongele.

Ghweghwe IMNDEWA uluso wako mkulu wokala matsuwa ghose,

Umalitse isang'ano ya ghamoko ghako, yawanzile kututendela.