1 Kulawa hasi ihaghendese,

nene nokulilila ghweghwe, ghwe MNDEWA.

2 Ghwe IMNDEWA, tegheletsa litsi lyangu,

uwambe ghamaghutwi ghako ghahulikitse,

ghahukitse chililo changu ichighela libatsi.

3 Ka ghwe IMNDEWA ung'apetile ighehile ghetu,

ghwe Imndewa, nani yang'adahile kwima?

4 Lekeni ghweghwe koleghusa tsinzambi tsetu,

ili twetwe tukupfukeghe ghweghwe.

5 Nene nombeta IMNDEWA, ghumoyo ghwangu ghobetetsa,

nene nehuwila longa lyake.

6 Nombeta IMNDEWA,

kubita iwakalitsi pfawobeta kunze kulangale,

kubita apfila iwakalitsi pfawobeta nemitondo kuche.

7 Ghwe Isiraeli, umlolele IMNDEWA,

kwaapfila kuna yeye kuna uluso mkulu,

na yeye kana ngupfu nyingi tsa kutukombola.

8 Yeye imwenyegho katsoikombola Isiraeli,

kulawa mna ighehile ghake ghose.