1 Ghumsingi ghwa ghumji ghwa Sayuni

ghwa mna ipfidunda ipfelile.

2 IMNDEWA koghukunda ghamalango gha ghumji ghwa Sayuni

kubita hanu hangi hose ha Yakobu.

3 Ghwe ghumji ghwa Imulungu,

iwanu wolonga pfinu pfinoghile pfa ghumji ghwako.

4 Nitsowakumbuka Rahabu na Babeli,

mna awala iwanimanyile nene,

Ufilisti na Tiro hamwe na Kushi,

na nene nitsolonga, "Ayuno kelekighwa Sayuni."

Ahala! Filisti, na Tiro, na Ethiopia, itsolongighwa, "Ayu naye koneka bahala."

5 Na kwa ghumji ghwa Sayuni itsolongighwa,

"Imunu ayuno na imunu ayula woneka mumo,"

naye Iyali Kuchanya Ng'ani katsoghungamitsa.

6 IMNDEWA hayatsowapeta,

na hayatsowandika iwanu mchitabu katsakwandika apfino,

"Ayuno koneka mumo!"

7 Na iwakwimba, na awala iwobigha, watsolonga,

"Tsimbwibwi tsangu tsose tsa mghati mwako, ghwe Sayuni."