1 Mna ghamaghayo ghangu nimkema IMNDEWA,

naye kanyidika.

2 Ghwe IMNDEWA, unikombole,

kulawa kwa iwanu wana imilomo ya ughutsu,

na wana imilimi ya ung'enye.

3 Mwemwe yamna milomo ya ughutsu, imunu yatsowatendatse,

yatsowongetsela choni?

4 Ng'ambe katsokutowa kwa imishale ihoma ng'ani,

na ghamakala ighakwaka ghumoto ghwa mbiki ghwa Mretemu.

5 Wenye ghwe! Nene nitsochona, kwaapfila nokala ka namgheni akuno Mesheki,

nokala mgheni mna ghamahema gha Kedari.

6 Nene nikala matsuwa mengi,

hamwe na awala ing'awobama baye ukukala tseghamba.

7 Nene nobama tukale tseghamba,

lekeni wawo wobama ing'ondo.