1 Imunu mbotsi kolonga mmoyo mwake, "Kuduhu Mlungu".

Wahinyika ghendo, na wotenda ighehile ighodesa,

haduhu hata yumwe iyotenda ighanoghile.

2 Imulungu kowalola iwanu kulawa kulanga,

yalole ka kuna munu yumwe iyakengele,

iyombama Imulungu.

3 Chila munu kahundukila kuchughu,

wose ghendo wola,

haduhu hata yumwe iyotenda ighanoghile,

ona, haduhu ghendo hata yumwe.

4 Angu awala iwotenda ighehile wahela mbutsi?

Awala iwowaja iwanu wangu ka wakuja chighate,

nawo ng'awomkema Imulungu baye.

5 Baho wengingilighwa na wogha

aku kuduhu chinu cha ukuwatenda wone wogha,

Imulungu kaipwililisa impate ya awala iwakutsingilile,

namwe muwaghela chinyala,

kwaapfila Imulungu kawalema.

6 Nobama munu yumwe kulawa Sayuni yatse yaikombole Isiraeli,

aho Imulungu hayatsowatenda iwanu wake wabwede keli,

iwanu wa Yakobo watsosekelela,

na iwanu wa Isiraeli nawo watsodeng'elela.