1 Nene na munu wa ukudununzika kulawa usongolo wangu,

chila munu mna Isiraeli yalonge.

2 Wang'aii wonidununzagha kulawa hanili msongolo,

lekeni ng'awadahile baye kuhuma.

3 Wandagha pfihile mna ghumghongo ghwangu,

ka apfila iwanu pfawolima ghamatuta kumghunda.

4 Lekeni yeye IMNDEWA ka wahaki,

kaidumla imitsabi iwanyohile iwanu awo wehile.

5 Wone chinyala na woye kuchughu,

awala wose iwoghuhila ghumji ghwa Sayuni.

6 Wawe ka mitsani ikota mchiswili,

inyala ng'ana ikule baye,

7 na imunu iyoikana ng'omemesa baye hata ghumoko ghumwe,

na ng'aipfika baye hata kinza limwe imunu yang'aikunga.

8 Awala iwobita habehi na ghweghwe waleke kuwalongela,

"IMNDEWA yawabaliki!

Towabaliki kwa litaghwa lya IMNDEWA."