1 Ghwe IMNDEWA, lola maaduwi wangu pfawali wengi,

wawengi ng'ani awala iwonyinukila wanitende pfihile.

2 Wengi wonilonga, "Imulungu ng'atsomwapfila ghendo baye."

3 Lekeni ghweghwe, IMNDEWA kwa ngao yangu iinikinga chila ubali,

ghweghwe yuning'alitsa tenda nihume, naghwe yuyo yunyinula.

4 Nimlilila IMNDEWA kwa litsi kulu,

naye kanyidika kulawa kuchidunda chake ichelile.

5 Newasitsa hasi nowasa, kuya nolamka keli,

kwa apfila IMNDEWA kondola ghoya.

6 Sitsowapfuka ghendo baye maaduwi elufu kumi

iwanyinukile kunitsunguluka chila ubali.

7 Ulawile ghwe IMNDEWA! Unikombole ghwe Imulungu wangu!

Ghweghwe kuwabena ghamataya maaduwi tsangu wose,

na kuwabena matsino ghawo iwanu iwehile.

8 Ukombotsi wolawa kwa IMNDEWA. Uwabaliki iwanu wako.